أحداث ماسبيرو التي اندلعت في العاصمة
المصرية " القاهرة " .. والتي نتج عنها كثير من السجالات بين مختلف
التيارات السياسية المصرية , وكما أن البعض حاول منذ بدايتها -وللأسف- استغلالها
لتغذية النزاعات الطائفية .
وهنا
نعرض عليكم بعض شهادات العيان لأشخاص تواجدوا في منطقة ماسبيو وقت وقوع الأحداث.
نبدأ
بشاهد العيان " مهند أبو رحاب ", الذي دون شهادته على حسابه في الفيسبوك
, ننقلها لكم للفائدة :
------------------------------------------------------------------------------------------------------------------------------------
------------------------------------------------------------------------------------------------------------------------------------
****************************************************************************************
شهادتى كشاهد عيان لأحداث ماسبيرو
9-10 عند بدايه الأحتكاكات من ناحيه هيلتون رمسيس من الساعه السادسه حتى السابعه
خرجت من
عملى فى منطقه ماسبيرو حوالى الساعه السادسه من خلف من عند ظهر ميدان عبد المنعم
رياض ناحيه هيلتون رمسيس أول ما رأيت أفواج من المتظاهرين الأقباط يحملون صلبان
ويتجهون الى الكورنيش أمام مبنى ماسبيرو ظلت واقف دقائق أشاهد المتظاهريين و
من الملاحظ أن كانت نسبه النساء بينهم كبيره نوعياً دقائق وصعدت على كوبرى 6
أكتوبر لرؤيه أفضل للوضع كانت الأعداد غفيره تكاد لا تترك أى فراغ فى الطريق كله
ثم سمعت طلقات نار لتفريق المتظاهرين وما مرت الا دقيقه أو دقيقتان وفوجئت بعده
مدرعات جيش تخترق أكداس المتظاهرين بسرعه كبيره وبدون سابق أنذار من أمام مبنى
ماسبيرو لأسفل كوبرى 6 أكتوبر لتستدير المدرعات وتكمل فيما ظهر كأنها محاوله لدهس للمتظاهرين
" أتمنى أن من صورها يقوم برفعها على النت" عموماً ظلو على هذا النسق
"رايحين جايين على الناس" عده لفات مع أطلاق أعيره ناريه "لست أعلم
كونه رصاص حى أو رصاص صوت" عموما دهس عده متظاهرين برؤيه عينى وكان هناك مصابون
رأيت بينهم نساء ثم تفرق المتظاهرين وفر أغلبهم لخلف الكوبرى فى ساحه الهيلتون وظل
بعض الشباب المتظاهر يرشق المدرعات بالحجاره ويتجه للأمام بأتجاه ماسبيرو دقائق
ورأيت نفس هذة المدرعات التى كانت تهاجم المتظاهرين تشتعل أمام ماسبيرو دقائق أخرى
وعادت قوات الجيش بأتجاه عبد المنعم رياض خلف المتظاهرين هنا تحركت من مكانى لصعود
بعض المدرعات وقوات الجيش الكوبرى كان الوقت حينها حوالى السابعه وعدت بعد ذلك فى
أتجاه التحرير ورأيت فى طريقى بعض شباب الأقباط المتظاهرين فى حاله ثوران وغضب وبعض
الأفراد راحوا يقذفون أتوبيسات النقل العام بالحجاره ..
ملاحظاتى
الشخصيه
- أولاً المتظاهرين من ناحيه رؤيتى كانوا فى البدايه سلميين ولم يلجأون للعنف الا بعد هجوم المدرعات بهذا الشكل الجنونى الغير مفسر والغير مبرر تماماً
- ثانياً الذى رأيته لم يكن فض تظاهر بقدر ما كان يشعل الموقف كان قوات الجيش بهذه الأفعال غير المسئوله كأنه كان لا يراد منها ألا أشعال الموقف لا تهدئته
هذا
كان أختصار لما رأيته اليوم 9-10-2011 من أحداث ماسبيرو من فوق كوبرى 6 أكتوبر ومن
ناحيه هيلتون رمسيس من حوالى الساعه الساسه حتى حوالى الساعه السابعه
كانت
هذة شهادتى لما رأيت بعينى فقط حتى لا أكون من الذين يكتمون شهاده حق حتى لا تضيع
الحقيقه بين أبواق التزييف ومثيرى الفتن والله على ما أقول شهيد
قال
الله تعالى
"وَلا
تَكْتُمُوا الشَّهَادَةَ وَمَنْ يَكْتُمْهَا فَإِنَّهُ آثِمٌ قَلْبُهُ"
صدق الله العظيم
مهند
أبورحاب
------------------------------------------------------------------------------------------------------------------------------------
****************************************************************************************
وكذلك
فقد دون شاهد العيان " أحمد مصطفى " على حسابه في موقع الفيسبوك شهادته
المحقة لما جرى في أحداث ماسبيرو حيث أنه تواجد في منطقة ماسبيرو لحظة وقوع
الأحداث , وللفائدة ننقل إليكم شهادته كما دونها :
------------------------------------------------------------------------------------------------------------------------------------
****************************************************************************************
شهادتي علي اللي حصل النهاردة عند
ماسبيرو من 7 ل 12 بالليل
في
البداية : والله العظيم اللي انا هاقوله ده صحيح وشوفته بعنيا وربنا شاهد عليا
بدأت
الحكاية وأنا راجع من الشبكة العربية كنت في مؤتمر صحفي عشان البحرين وانا في
طريقي للجرنال قابلت زمايلي وقالوا ان فيه ضرب نار عند ماسبيرو وكانت الساعة
تقريبا 7 فسبتهم يروحوا وبعدين مروة-زميلتي في الجرنال- قالتلي تعالي نروح معاهم
قولتلها يلا وركبنا أتوبيس لحد المتحف المصري ونزلنا بعد ما شوفت وانا في الاتوبيس
مدرعات رايحة ناحية ماسبيرو.
وانا
في الطريق أول حاجة شوفتها ست متعورة وماشية وصورتها ، وبعديها بشوية لقيت واحد
مصاب وواخدينه علي عربية ربع نقل ف وأنا بصوره قالولي ان فيه واحد ميت معاهم
عالربية وصورته برضه بس لسه هارفع الفيديو بتاعه، سبتهم ومشيت ناحية هيلتون رمسيس
من ورا ولقيت ناس كتير وناس كتير جدا مصابين وبينزفوا دم من كل ناحية ،
رحت
ناحية هيلتون من ورا ولقيت الفندق مقفول وجواه مصابين وتقريبا كان فيه حد مغمي
عليه أو ميت-الكلام ده شوفته من الإزاز-وده الفيديو
بعديها قعدت اصور شوية في ناس مصابة
لحد ما لقيت المتظاهرين ماسكين عميد شرطة تقريبا _انا مش عارف الرتبة بالظبط_
وطايحين فيه ضرب وناس خبوه جوه الفندق من بوابة جانبية وده الفيديو باللي حصل
بعدين
لقيت رصاص في حزام يعمله حوالي 2 متر وحاولت أجيب رصاصة منه ماعرفتش لحد ما لقيته
انفرط عالأرض وجبت رصاصة تقريبا 5 سم طول
الرصاص
في الفيديو
*
_
وبعدين
وقفت شوية وقررت إني أروح عند ماسبيرو فقلت لزميلتي ماتتحركش من مكانها ورحت أنا
لوحدي.
قابلت
نواره وانا في الطريق وقولتلها فيه ناس مصابة كتير وميته في المكان اللي انا كنت
فيه وهي قالتلي ان مفيش حاجة هناك عن ماسبيرو عشان الشرطة كانت قافلة الطريق ،
ولما رحت هناك لقيت مجموعة من الأقباط شايلين الصلبي وبقولوا صلوات وبصراحة كان
منظر جميل جدا وصورته ودي صورته.
بعديها
رجعت ناحية الفندق ولقيت وانا في الطريق ناس مصابة بتخرج من جراج في عمارة جنب
هيلتون رمسيس وصورتهم كام صورة كده ، وفيه ناس كانوا متشالين علي موتوسيكل وناس في
عربية جيب كانت مكسورة صاحبها تطوع انه يوصلهم المستشفي القبطي في رمسيس..
دخلت
الجراج وصورت الناس وهي فيه وقالولي ان فيه ناس ميتة جوه فددخلت من دخل صغير كده
لحد ما شوفت المنظر المرعب اللي انا شوفته وما قدرتش أمسك نفسي ولقيت دموعي بتنزل
لوحدها..
شفت
5 ميتين وممديين علي الأرض ، الإتنين اللي كانت اصابتهم باينة
كان واحد رقبته مقطوعة وواحد راسة مبططة من أثر حاجة داست عليه.وده الفيديو والخبر
في البديل بإسمي
http://tinyurl.com/42vpvga
ملحوظة
- الفيديو ده صعب جدا
بعدين
رجعت تاني عند الفندق من ورا وقررت إني أروح قدام ماسبيرو ، ولما طلعت علي الكوبري
لقيت قنابل مسيلة للدموع والأمن المركزي بيضرب نار ومش عارف بقي رصاص حي ولا فشنك
وده الفيديو
بس
وكانت في جيبي الرصاصة اللي اخدتها من عند الفندق وكانت رصاص حي ، وفضلت اطع
الكوبري واصور لحد ما الأمن ضرب قنبل جنبنا وانا فضلت واقف وكنت لوحدي والناس
بعيدة عني مسافة 20 متر كده وفي لحظة لقيت نفسي شميت كمية كبيرة جدا من الغاز ، ف
كتمت نَفَسي وجريت لتحت الكوبري من غير ما أشوف أي حاجة لأن عنيا كانت مليانة دموع
ومناخيري سايبة وبيحرقوني ولما وصلت لتحت الكوبري قعدت شوية لحد ما فقت بس للأمانة
انا شوفت مولوتوف بيتحدف علي الأمن المركزي كانت قنلة واحدة بس اللي شوفتها وشوفت
قدام شوية عند ماسبيرو تقريبا كاوتش مولع وكمية أمن وجيش غير عادية وبعدين
قابلت مروة ومشينا للجرنال وكتبت الخبر ونزلت الفيديو المهم والصور اللي موجوده في
الجرنال كلها..وقعدت شوية لحد ما خلصت في الجرنال ورجعت تاني انا وزميلي في الجرنال ..
نزلت
التحرير لقيت الجيش منتشر وقافل كل مداخل الميدان بس كان بيسيب الناس تعدي ولقيتهم
مسكوا واحد ضربوه وأخدوا منه الميموري عشان كان بيصور وحذروا من اللي يصور انه هايترفع..
مشيت
شوية عند الصينية لقيت ناس قاعدة وكل اللي كان بيشكك في اللي ماتوا كنت بوريله
الفيديو اللي معايا كان بيكتم علي طول.
الشرطة
العسطري جريت ورانا ورجعت تاني . وجريت ورانا تاني ورجعت لحد ما سمعت هتافات مش
عارف هي إيه بالظبط .. روحت ناحية الهتافات دي لقيت الجيش قافل عليهم وسمعتهم
بيقولوا : الجيش والشعب إيد واحدة ، يا مسيحي انت فين الإسلام أهو ، وكمان هتفوا
إسلامية إسلامية.
عملت
نفسي معاهم لحد ما اشوف ايه الحوار لقيت الجيش شابهم يعدوا للميدان وبابص لقيت عيل
صغير عدي عليا وقاللي انت مسلم ولا مسيحي وشاف إيديا كان بيبص علي صليب ولما عرف
اني مسلم قاللي ماشي هاسيبك.
شوية
والجيش سكت وماكلمش الناس دي ولا فتح بفه معاهم وبعدين حصل اشتباكات وكنت انا في
الصينية مع صاحبي كلمت الناس باقولهم ما ينفعش نخبط في بعضنا والأقباط من
حقهم الي بيعملوه ، لقيت الكل عليا وواحد قعد يقوللي ماكيل نبيل ومش عارف مين ،
قولتله مايكل نبيل صاحبي علي فكرة ومش مسيحي ، وقعدت افهمهم بس للأسف صوتهم كان
عالي وفجأة لقيت واحد تخين كده دخل عليا وضربني بوكس وبيقول عليا مسيحي وكان
هايضربني لولا ما واحد قاله اني مسلم مع إني رفضت أور حد البطاقة ورفضت أخلي حد
يشوف إيدي
..
المهمه
اتكلمت مع الناس شوية لحد ما الجيش كان بيخلي الصينية وتقريبا أقنعت واحد ان اللي
بيحصل ده ما ينفعش .
المسيرة
المؤيدة دي كان فيها إسلاميين كتير وكان فيها ناس شكلها مريب جدا جدا وكنت هانضرب
وصاحبي في الجرنال الشرطة أخدته لما اعترض الواد اللي كان عايز يضربني .. وقالوله
سيبك من الناس دي دولا منافقين ...
ملحوظات
ماسمعتش
أي حد مسيحي بيقول كلمة مسلم ومسيحي دي وانا هناك غير ست بتقول لو المسلمين رجالة
ينشروا الحاجات تي ، قولتلها انا مسلم والكلام ده هايتنشر في البديل حالا .
التليفزيون
المصري دعا الناس للنزول عشاي يغطي علي اللي حصل وكان بيكدب كدب الإبل وما شوفتش
ولا واحد مصاب من الشرطة ولا الجيش وما شوفتش أي أسلحة مع المتظاهرين خالص ، وكلهم
تقريبا كان باين عليهم الإحترام..
ده
اللي أنا شوفته وفيه ناس هاتقول انها من جانب واحد بس أنا ما شوفتس حاجة
تانية غير كده ولو شفت كنت هاقول بكل حييادية
شهادتي
خلصت وأرجو انها تكون وضحت بعض النقص في الرؤية عند الناس
أحمد
مصطفي
صحفي
تحت التدريب بالبديل الإليكتروني
مدوّن
وناشط سياسي وعضو إئتلاف الإعلاميين
عضو
ب 6 إبريل الجبهة الديمقراطية
10أكتوبر
1:56 am
ليست هناك تعليقات:
إرسال تعليق